აჭარაში თოვაა მოსალოდნელი – გაფრთხილება ამინდის შესახებ

გარემოს ეროვნული სააგენტოს ცნობით, 19 – 21 თებერვალს საქართველოში მოსალოდნელია ნალექი, უმეტესად თოვლის სახით, ზოგან ძლიერი.

მთაში და მაღალ მთაში მოსალოდნელია ზოგან ნისლი, ქარბუქი და ზვავსაშიშროება, საავტომობილო გზებზე – ლიპყინული, ელექტროგადამცემ ხაზებზე კი შემოყინულობა.

„დიდთოვლობის, ხილვადობის გაუარესების, ქარბუქის, ლიპყინულის და ზვავსაშიშროების გამო საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა – საფრთხის დონე საშუალო“ – იუწყება სააგენტო.

20 თებერვლიდან, დღის მეორე ნახევრიდან თოვაა მოსალოდნელი აჭარაში.

აჭარის მაღალ მთაში ზოგან მოსალოდნელია ძლიერი თოვა.

იქროლებს დასავლეთის მიმართულების ქარი 10-15 მეტრი წამში.

ზღვაზე მოსალოდნელია ღელვა – 4 ბალი.

გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, მომდევნო 2 დღეს, 21-22 თებერვალს, აჭარაში შენარჩუნებული იქნება თოვა, ზოგან – ძლიერი.