სინოპტიკოსების ცნობით, ხვალ, 14 დეკემბერს, ბათუმში და აჭარის სანაპიროზე ნალექია მოსალოდნელი, უმეტესად თოვლის სახით.
იქროლებს დასავლეთის მიმართულების ქარი 10-15 მეტრი წამში, ზოგან ქარის სიჩქარე 20-25 მეტრს მიაღწევს წამში.
ზღვაზე მოსალოდნელია შტორმი – 6-7 ბალი.
თოვა გაგრძელდება აჭარის მთიან მუნიციპალიტეტებშიც, სადაც დღეს, დილიდან თოვს.
ჰაერის ტემპერატურა სანაპირო რაიონებში ღამით 0-3 გრადუსი იქნება, დღისით 3-8 გრადუსი.
მთიან რაიონებში: ღამით 0-5 გრადუსი ყინვა, დღისით კი 0-5 გრადუსი სითბოა მოსალოდნელი.
მაღალმთიან ზონაში ღამით ყინვა 5-10 გრადუსი იქნება, დღისით – 0-5 გრადუსი.
სინოპტიკოსების ცნობით აჭარაში გამოიდარებს კვირას, 15 დეკემბერს და ორი დღე უნალექო ამინდი შენარჩუნდება.
