რუსეთ-უკრაინის ომს ბათუმელი ასლან ბოლქვაძის სიცოცხლე ემსხვერპლა.
ასლან ბოლქვაძე 37 წლის იყო. ის ბოლო 10 წელი კიევში ცხოვრობდა, ხოლო გუშინ, 28 თებერვალს, სამხედრო შეტაკების დროს დაიჭრა. ახლობლების ინფორმაციით, ასლან ბოლქვაძე სამოქალაქო პირი იყო.
„მას ორი ოპერაცია ჩაუტარდა, მაგრამ მისი გადარჩენა ვერ მოხერხდა,“ – ამბობს მამუკა ქამაშიძე, ასლან ბოლქვაძის ნაცნობი.
ეს არის პირველი შემთხვევა, როცა რუსეთ-უკრაინის ომში საქართველოს მოქალაქის დაღუპვის შესახებ ინფორმაცია დადასტურდა.
————
გაეროს ცნობით, ბოლო მონაცემებით, უკრაინაში რუსეთის შეჭრის შემდეგ, 5 დღის განმავლობაში, დაიღუპა სულ მცირე 102 და დაშავდა 304 სამოქალაქო პირი.
ხარკოვის მერის განცხადებით, ხარკოვზე რუსეთის ძალების თავდასხმას 28 თებერვალს 9 მშვიდობიანი მოქალაქის სიცოცხლე ემსხვერპლა, მათ შორის, სამი ბავშვის.
