სახელმწიფო შესყიდვების სააგენტომ 87 პიკაპის შესაძენად კონსოლიდირებული ტენდერი გამოაცხადა. ავტომანქანების შესყიდვის სავარაუდო თანხა ჯამში 7 899 600 ლარია.
ტენდერის პირობის მიხედვით:
[checklist]
- 50 პიკაპი განკუთვნილია შინაგან საქმეთა სამინისტროსთვის
- 25 პიკაპი – შპს „საქართველოს მელიორაციისთვის“
- 10 პიკაპი კი – სსიპ გარემოს ეროვნული სააგენტოსთვის
[/checklist]
„წინამდებარე სატენდერო დოკუმენტაციით განსაზღვრულ შესყიდვის ობიექტს წარმოადგენს საქართველოს მთავრობის 2014 წლის 6 თებერვალის N121 დადგენილებით განსაზღვრული სპეციალიზებული (პიკაპი) ტიპის 87 ერთეული სატრანსპორტო საშუალების სახელმწიფო შესყიდვა“ – აღნიშნულია ტენდერში. წინადადებების მიღება 2020 წლის 4 ოქტომბერს დაიწყება და 5 ოქტომბერს დასრულდება.
პირობის მიხედვით: „ავტომობილები უნდა იყოს თეთრი ფერის; ახალი, არაუადრეს 2020 წლის გამოშვების, მარცხენასაჭიანი, ექსპლუატაციაში არმყოფი (გარბენი არაუმეტეს 200კმ), ნივთობრივად და უფლებრივად უნაკლო და განბაჟებული. ამასთან, მიმწოდებელმა საკუთარი ხარჯებით უნდა უზრუნველყოს ავტომანქანების შემსყიდველზე გადაფორმება“.
ტენდერში გამარჯვებულმა ავტოსატრანსპორტო საშუალებების მიწოდება უნდა განახორციელოს ხელშეკრულების გაფორმებიდან 200 კალენდარული დღის განმავლობაში.
