აჭარის ჯანდაცვის სამინისტროს მონაცემებით, დაავადებათა კონტროლის აჭარის სამმართველოსა და ბათუმის ინფექციური საავადმყოფოს ლაბორატორიებში ჩატარებული 526 ლაბორატორიული კვლევის შედეგი უარყოფითია.
ბათუმში, ცხელების კლინიკებში, ამ დროისთვის მოთავსებულია 38 პირი, მათი კვლევის პასუხები 28 ივნისს, დღის ბოლოს გახდება ცნობილი.
ჯამში აჭარაში კორონავირუსზე PCR ტესტი ჩაუტარდა 20 715 პირს. დღეს არსებული მონაცემებით კარანტინში იმყოფება 1 130 პირი. კარანტინი დატოვა 8 901-მა პირმა.
მთავრობის საიტზე, stopcov.ge-ზე ასახული ინფორმაციის თანახმად, ბოლო 24 საათის განმავლობაში Covid19-ით ინფიცირებული კიდევ ერთი პაციენტი გარდაიცვალა.
28 ივნისის დილის მდგომარეობით, საქართველოში:
- კორონავირუსის დადასტურებული შემთხვევა – 924
- მათ შორის გამოჯანმრთელებული – 785
- მათ შორის გარდაცვლილი – 15
- კარანტინში – 2819
- სტაციონარში მეთვალყურეობის ქვეშ – 230
- *უცხოეთიდან სამკურნალოდ გადმოყვანილი საქართველოს მოქალაქე – 3.
