დღეს, 7 მაისს, 40 წლის ასაკში გარდაიცვალა Grup Yorum-ის წევრი, ბასგიტარისტი იბრაჰიმ გიოქჩექი. მან 5 მაისს 323-ე დღეს შეწყვიტა შიმშილი, რის შემდეგაც ის საავამდყოფოში მკურნალობის მიზნით იმყოფებოდა.
ჯგუფმა კონცერტის უფლების მოთხოვნით სტამბოლის სამმართველოში განაცხადი შეიტანა, თუმცა იბრაჰიმი პასუხს ვეღარ მოესწრო.
სოციალურ ქსელში დაახლოებით ერთი საათის წინ გამოქვეყნდა ჯგუფის კომენტარიც:
ჩვენ ახლახან მივიღეთ ინფორმაცია, რომ საავამდყოფოში იბრაჰიმ გიოქჩექი დაიღუპა. მადლობა ადამიანებს, ყველას, ვისი გულიც ჩვენთვის ძგერს.
3 აპრილს დაიღუპა ჯგუფის წევრი ჰელინ ბოლექი, რომელიც 288 დღე შიმშილობდა გიოქჩექთან ერთად. მათი მოთხოვნები იყო:
- შეწყდეს სტამბოლში მდებარე იდილის კულტურის ცენტრის პოლიციის მხრიდან დარბევა და დატერორება
- ამოიღონ Grup YORUM-ის წევრები ძებნილთა სიიდან
- გაუქმდეს აკრძალვები ჯგუფის კონცერტებზე
- შეწყდეს ჯგუფის წინააღმდეგ დაწყებული სამართლებრივი პროცესები
- გათავისუფლდეს ჯგუფის ყველა წევრი, რომლებიც ამჟამად პატიმრობაში არიან
სააგენტო ბიანეტის მიხედვით, 2016 წლის ოქტომბრიდან მოყოლებული 2017-2018 წლებში სტამბოლში მდებარე იდილის კულტურის ცენტრი პოლიციამ 6-ჯერ დაარბია. აქ Grup Yorum-ის წევრებს რეპეტიციები ჰქონდათ. პოლიციამ რეიდების დროს დაამტვრია მუსიკალური ინსტრუმენტები, დააზიანა ჩანაწერები.
ჰელინ ბოლექის შეწყვეტილი სიმღერა – მუსიკოსი შიმშილობის 288-ე დღეს გარდაიცვალა
