ბათუმში, პუშკინისა და თაყაიშვილის ქუჩების კვეთაში, დღეს, 30 მაისს, დილით, ორი მსუბუქი ავტომანქანა შეეჯახა ერთმანეთს. დაშავებული ქალი „მედცენტრში“ გადაიყვანეს. სასწრაფო-სამედიცინო სამსახურის ცნობით, დაახლოებით 50 წლის ქალს მსუბუქი დაზიანებები ჰქონდა.
შინაგან საქმეთა სამინისტროს ინფორმაციით, დაწყებულია გამოძიება სისხლის სამართლის კოდექსის 276-ე მუხლის მეორე ნაწილის შესაბამისად, რაც ავტოსატრანსპორტო საშუალების მოძრაობის ან ექსპლუატაციის წესების დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.
