მაღაზია „ტექნობუმი“ ხანძრის შემდეგ [ფოტო]

წუხელ ბათუმში მაღაზია „ტექნობუმი“ დაიწვა. დამწვარია შენობის გარკვეული ნაწილი და სხვადასხვა საყოფაცხოვრებო ტექნიკა. ხანძრის გამომწვევი მიზეზები ამ დროისთვის უცნობია.

ამ თემაზე: სახანძრო: მაღაზია „ტექნობუმში“ ხანძარი ლოკალიზებულია

მაღაზიის მენეჯერის, ემზარ ქოქოლაძის თქმით, არ იციან საიდან გაჩნდა ხანძარი. კომპანიას არც ზარალი დაუთვლია, ვინაიდან მენეჯერის ინფორმაციით, შენობაში საგამოძიებო მოქმედებები მიმდინარეობს და კომპანიის თანამშრომლებს არ უშვებენ.

არაოფიციალური ინფორმაციით, ზარალი ნახევარ მილიონ ლარს აღწევს.

შინაგან საქმეთა სამინისტროს პრესსამსახურის ინფორმაციით, დაწყებულია გამოძიება სს კოდექსის 187-ე მუხლით, რაც ნივთის დაზიანებას ან განადგურებას გულისხმობს.