ჩემპიონატი ოლიმპიური სისტემით 7 მოგებამდე მამაკაცებს და 5 მოგებამდე ქალთა შორის ჩატარდება.
ჩემპიონი ფულად პრემიასთან ერთად ოქროს მედალს, პირველი ხარისხის დიპლომსა და თასს მოიპოვებს. მეორე და მესამე ადგილზე გასული სპორტსმენები შესაბამისი ხარისხის მედლებით, დიპლომებითა და ფულადი პრიზებით დაჯილდოვდებიან.
ევროპის ჩემპიონატის საპრიზო ფონდი 27000 ამერიკული დოლარია, რომელსაც აჭარის განათლების კულტურისა და სპორტის სამინისტრო ბათუმის მერიასთან ერთად უზრუნველყოფს.
ჩემპიონატის ორგანიზებას აჭარის სპორტისა და ახალგაზრდობის საქმეთა დეპარტამენტი 55000 ლარით აფინანსებს. დეპარტამენტის სპორტული განყოფილების ხელმძღვანელის მინდია ქათამაძის თქმით, საერთო ჯამში ამ ღონისძიებისთვის სახელმწიფოს ბიუჯეტიდან 90000 ლარია გამოყოფილი.
ჩემპიონატი ხვალ, 17:00 საათზე დაიწყება.