უკრაინის გენშტაბის ინფორმაციით, სექტემბერში რუსეთმა ომში რეკორდული რაოდენობის – 46 230 სამხედრო დაკარგა ვიდრე მიმდინარე წლის სხვა თვეებში. ამ რაოდენობაში შედის როგორც ომში დაღუპულები, ასევე დაჭრილები და დაკარგულები.
„უკრაინის თავდაცვის ძალები განაგრძობენ რუსეთის საოკუპაციო ჯარებისთვის ცოცხალ ძალასა და ტექნიკაში სისტემური და საგრძნობი დანაკარგების მიყენებას საბრძოლო შეხების მთელ ხაზზე. რუსი ოკუპანტების პირადი შემადგენლობის დანაკარგებმა სექტემბერში 46 230 ადამიანს მიაღწია.
ეს თვიური მაჩვენებელი აბსოლუტური რეკორდი გახდა მთელი 2026 წლის განმავლობაში, რამაც გადააჭარბა ზაფხულის კამპანიის წინა პიკურ მაჩვენებლებს“ – წერს უკრაინის გენშტაბი.
გენშტაბის მონაცემებით, რუსეთის ცოცხალი ძალის დანაკარგების დინამიკა 2026 წელს ასეთია:
იანვარი – 31 710
თებერვალი – 26 090
მარტი – 31 960
აპრილი – 32 980
მაისი – 33 760
ივნისი – 39 290
ივლისი – 42 860
აგვისტო – 42 020
სექტემბერი – 46 230
„წლის პირველ თვესთან – იანვართან [31 710 ადამიანი] შედარებით, სექტემბერში მოწინააღმდეგის დანაკარგები გაიზარდა 14 520 ადამიანით, რაც 45,8%-იან ზრდას შეადგენს.
ეს დინამიკა მოწმობს ოკუპანტების სამხედრო ხელმძღვანელობის სრულ უუნარობაზე, მიაღწიოს დასახულ მიზნებს, ასევე უკრაინული დანაყოფების მხრიდან ცეცხლით დაზიანების სიზუსტისა და ეფექტიანობის ზრდაზე“ – წერს უკრაინის გენშტაბი.
რუსეთი უკრაინაში 2022 წლის 24 თებერვალს გამთენიისას შეიჭრა და სრულმასშტაბიანი ომი დაიწყო.
ამავე თემაზე:
ახალი მონაცემები რუსეთის და უკრაინის სამხედრო დანაკარგებზე ომში – 1 ოქტომბერი