Black Sea Sound-ის ფარგლებში ვორქშოფები დაიწყო. პირველი ვორქშოფი – „ჰარმონიის მნიშვნელობა თანამედროვე მუსიკაში“ 16 სექტემბერს, საღამოს 6 საათზე, მაღაზიაში – „წიგნები ბათუმში“ გაიმართება და მას მუსიკოსი ლევან შანშიაშვილი [ჯგუფი KID Jesus] გაუძღვება.
ვორქშოფზე განხილული იქნება სხვადასხვა მაგალითი და ზოგადად ნოტების, აკორდების, ჰარმონიის თავისებურებები, ასევე, სანოტო სისტემის მნიშვნელობა და მელოდიის ჰარმონიზირება.
დასწრება თავისუფალია. დასწრების მსურველებმა რეგისტრაცია [დაკლიკეთ ბმული] უნდა გაიარონ.
პროექტი – Black Sea Sound Fest ემსახურება აჭარაში ახალი ბენდებისა და მუსიკალური პროექტების აღმოჩენას. პროექტი ხორციელდება აჭარის განათლების, კულტურისა და სპორტის სამინისტროს მხარდაჭერით.