ბათუმის ნავსადგურში საზღვაო ტურისტული ტრანსპორტით მოძრაობა ამჟამად შეჩერებულია.
ბათუმის ნავსადგურის სახელმწიფო კონტროლისა და ზედამხედველობის სამსახურის ინფორმაციით, ამის მიზეზი შტორმის შესახებ გამაფრთხლებელი განცხადებაა.
გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, ბათუმის აკვატორიაში ზღვაში 3-4 ბალის შტორმია.
საქართველოს სახელმწიფო ჰიდროგრაფიული სამსახურის ცნობით, საზღვაო მოძრაობა 8 ივლისის ჩათვლით იქნება შეჩერებული.
