ე.წ. „ოცნების ქალაქში“ ხანძრის შედეგად საცხოვრებელი სახლი დაიწვა. სახანძრო სამსახურის ინფორმაციით, გამოძახება რამდენიმე წუთის წინ მიიღეს.
„პატარა საცხოვრებელი სახლი იყო, დაახლოებით 35 კვ/მეტრამდე, რომელიც მთლიანად დაიწვა. მეორე სახლიც იყო ახლოს, თუმცა ხანძრის ლოკალიზება დროულად მოხერხდა და ცეცხლი სხვა სახლებზე არ გადასულა,“-აცხადებენ სახანძრო სამსახურში.
ხანძრის გამომწვევი მიზეზი ჯერჯერობით უცნობია. სახანძრო სამსახურის ინფორმაციით, ხანძრის შედეგად არავინ დაშავებულა.