ბათუმის ბოტანიკურ ბაღში კამელიების გამოფენა გაიმართება

25 მარტს,  შაბათს, 14:00-დან 17 საათამდე ბათუმის ბოტანიკური ბაღის ზედა პარკში, პანორამულ გადასახედზე კამელიების გამოფენა გაიმართება.

ბათუმის ბოტანიკური ბაღის ადმინისტრაციის ცნობით, გამოფენაზე წარმოდგენილი იქნება 70-მდე ჯიშის მოყვავილე კამელია და ბაღში გამოყვანილი ჰიბრიდები. დამთვალიერებელს ასევე შესაძლებლობა ექნება ადგილზევე შეიძინოს კამელიების ნერგები.