პირველ დეკემბერს ბათუმის დედათა და ბავშვთა სამედიცინო ცენტრთან მამაკაცს ავტომანქანა დაეჯახა. ბათუმის სასწრაფო სამედიცინო დახმარების ინფორმაციით, დაზარალებული გადაყვანილია ბათუმის რესპუბლიკურ საავადმყოფოში და მისი მდგომარეობა სტაბილურია.
შს სამინისტროს ინფორმაციით, გამოძიება სსკ-ის 276 მუხლის პირველი ნაწილით მიმდინარეობს – ავტომობილის მოძრაობის უსაფრთხოების ან ექსპლუატაციის წესის დარღვევა, რამაც გამოიწვია ჯანმრთელობის ნაკლებად მძიმე დაზიანება, – ისჯება ჯარიმით ან თავისუფლების შეზღუდვით ვადით სამ წლამდე.