აჭარის უმაღლესი საარჩევნო კომისია აჭარის უმაღლესი საბჭოს მაჟორიტარული სისტემით არჩევნების მეორე ტურთან დაკავშირებით მედიისთვის რამდენიმე საინფორმაციო ბრიფინგს გამართავს.
უსკოს ინფორმაციით, არჩევნების მიმდინარეობასთან დაკავშირებით ინფორმაცია გამოქვეყნდება კომისიის ვებ-გვერდსა და ფეისბუქის ოფიციალურ გვერდზე.
საინფორმაციო ბრიფინგების განრიგი უსკოში 30 ოქტომბერს:
- 09.00 საათზე [საარჩევნო უბნების გახსნის შესახებ];
- 12.30 საათზე [ამომრჩეველთა აქტივობის შესახებ];
- 18.00 საათზე [17.00 საათზე უსკო ვებ-გვერდის საშუალებით გაავავრცელებს ინფორმაციას ამომრჩეველთა აქტივობის შესახებ];
- 21.00 საათზე [საარჩევნო უბნების დახურვის შესახებ].
უსკოს ინფორმაციით, საჭიროების შემთხვევაში შესაძლოა განრიგში ცვლილება შევიდეს.
30 ოქტომბერს აჭარაში პარალელურად იმართება საქართველოს პარლამენტისა [ხულოს ოლქის გამოკლებით] და უმაღლესი საბჭოს მაჟორიტარული სისტემით არჩევნების მეორე ტური.