ფინანსთა სამინისტროს საგამოძიებო სამსახური წერს, რომ აჭარაში ე.წ. „ქოლცენტრი“ აღმოაჩინა და ტექნიკა ამოიღო.
სამსახურის ინფორმაციით წარმოებაში არსებულ სისხლის სამართლის საქმესთან დაკავშირებით მიიღეს ოპერატიული ინფორმაცია შესაძლო დანაშაულებრივი ე.წ. „ქოლცენტრების“ ფუნქციონირებასთან დაკავშირებით თბილისსა და აჭარის რეგიონში.
ჩატარებული საგამოძიებო მოქმედებების შედეგად ამოიღეს ელექტრონული ინფორმაციის შემცველი სხვადასხვა სახის ტექნიკა და დოკუმენტები.
გამოძიება მიმდინარეობს საქართველოს სისხლის სამართლის კოდექსის 180-ე, 192-ე, 194-ე და 218-ე მუხლებით.
დღეს, 15 მაისს ასევე გავრცელდა, რომ შსს-მ ორგანიზებული ჯგუფის მიერ, უცხო ქვეყნის მოქალაქეების მიმართ განხორციელებული თაღლითობის ბრალდებით გამოძიება სისხლის სამართლის კოდექსის 180-ე მუხლის მე-4 ნაწილით დაიწყო.
გამოძიების თანახმად, დუშეთის მუნიციპალიტეტში, ერთ-ერთ სასტუმროში სავარაუდოდ მოწყობილი იყო ე.წ. ქოლცენტრი. პოლიციამ ადგილზე ჩატარებული ღონისძიებების შედეგად, ათეულობით მობილური ტელეფონი და პერსონალური კომპიუტერი ნივთმტკიცებად ამოიღო.
ქოლცენტრზე გამოძიების ფარგლებში დუშეთში ჩინეთის 14 მოქალაქე დააკავეს
