სტამბოლის მერის ექრემ იმამოღლუს დაკავების გამო დაწყებულ საპროტესტო აქციებზე, ბოლო ცნობებით, 1133 ადამიანია დაკავებული.
თურქული გამოცემა bianet-ი წერს, რომ პროტესტის მონაწილეების დაკავების შემდეგ, 24 მარტს, დილის საათებში თურქულმა პოლიციამ ჟურნალისტების სახლებში ჩხრეკა ჩაატარა. დააკავეს 10 ჟურნალისტი, ძირითადად ფოტოჟურნალისტები, რომლებმაც აღბეჭდეს პოლიციის ძალადობა.
Polis, Saraçhane’deki kitleyi Süleymaniye Caddesi üzerinde kovalıyor.
🎥@alidnc4 pic.twitter.com/qfMlCfqUkQ
— bianet (@bianet_org) March 23, 2025
სტამბოლის ოპოზიციონერი მერი ექრემ იმამოღლუ, რომელიც ერდოღანის მთავარი კონკურენტია, რესპუბლიკური სახალხო პარტიის პრაიმერიზამდე რამდენიმე დღით ადრე დააკავეს.
მას კორუფციას ედავებიან. იმამოღლუ ბრალდებებს უარყოფს.
ოპოზიციონერი მერის დაპატიმრებას თურქეთში პროტესტის ტალღა მოჰყვა.
მიუხედავად მერის პატიმრობისა, მისმა პარტიამ განაგრძო ადრე დაგეგმილი საპრეზიდენტო პრაიმერი, რომელშიც იმამოღლუს 13 მილიონზე მეტმა ადამიანმა მისცა ხმა.
______________________
ფოტოზე: სტამბოლი, 24 მარტი. ფოტო: ევროპის პრესფოტო სააგენტო. EPA-EFE/ERDEM SAHIN