გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 14 მარტის 21 საათიდან 15 მარტის 21 საათამდე აჭარაში მოსალოდნელია ცვალებადი მოღრუბლულობა, უნალექოდ, მთიან ზონაში ზვავსაშიშროება;
იქროლებს ცვალებადი მიმართულების ქარი 10-15 მეტრი წამში;
ჰაერის ტემპერატურა სანაპირო ზოლში:
- დღისით: 18 – 23 გრადუსი სითბო
- ღამით: 5 – 10 გრადუსი სითბო
მთიან რაიონებში:
- დღისით: 17 – 22 გრადუსი სითბო
- ღამით: 0 – 3 გრადუსი ყინვა
მაღალმთიან ზონაში
- დღისით: 5 – 10 გრადუსი სითბო
- ღამით: 0 – 3 გრადუსი ყინვა
ზღვის წყლის ტემპერატურა +10 გრადუსია, ღელვა 2-3 ბალი.
სინოპტიკოსების ცნობით, აჭარაში 16 და 17 მარტს მოსალოდნელია უმეტესად უნალექო ამინდი.
14 მარტის დილის მდგომარეობით ბათუმში მტვრის ნაწილაკების შემცველობის მაჩვენებელი ჰაერში არის „ცუდი“ და „ძალიან ცუდი“.
„9 მარტიდან საქართველოს ტერიტორიაზე ატმოსფერულ ჰაერში ფიქსირდება მყარი ნაწილაკების (PM10, PM2.5) შემცველობის მატება, რაც ძირითადად ტრანსსასაზღვრო დაბინძურებას უკავშირდება და სამხრეთ, სამხრეთ-აღმოსავლეთიდან უდაბნოს მტვრის მასების მცირედ გავრცელებით არის განპირობებული.“ – აღნიშნულია გარემოს ეროვნული სააგენტოს ჰაერის ხარისხის პორტალზე.
ამავე თემაზე: