ევროკავშირის წარმომადგენლობა საქართველოში ეხმაურება ბათუმელები/ნეტგაზეთის დამფუძნებლისა და აღმასრულებელი დირექტორის, მზია ამაღლობელის და „ბათუმელების“ ოპერატორის, გურამ მურვანიძის დაკავებას.
როგორც ევროკავშირის წარმომადგენლობა აცხადებს, მათი დაპატიმრება გამოხატვის თავისუფლებას უფრო მეტად აკნინებს და ყველა უსამართლოდ დაკავებული უნდა გათავისუფლდეს.
„საქართველოს მოქალაქეებს კვლავ ემუქრება დაკავება ფუნდამენტური უფლებებით სარგებლობის გამო. მზია ამაღლობელისა და გურამ მურვანიძის დაპატიმრება გამოხატვის თავისუფლებას უფრო მეტად აკნინებს. ყველა უსამართლოდ დაკავებული უნდა გათავისუფლდეს. ევროკავშირი სამართლიანი სასამართლოს უფლების დაცვისკენ მოუწოდებს. დაუსჯელობა ვერ გაიმარჯვებს“, – ნათქვამია განცხადებაში.