დღეს უმაღლეს საარჩევნო კომისიაში პოლიტიკური პარტიების მიერ მხარდამჭერთა ხელმოწერების წარდგენის ვადა ამოიწურა. საარჩევნო ადმინისტრაციაში, რეგისტრაციის პროცესის დასასრულებლად მხარდამჭერთა ხელმოწერები მხოლოდ „ემსახურე საქართველოს“ წევრებმა წარადგინეს.
რაც შეეხება „ერთიანობის დარბაზს,“ აღნიშნულ პოლიტიკურ გაერთიანებას უმაღლესი საარჩევნო კომისია, კანონმდებლობის შესაბამისად, რეგისტრაციაზე უარს ეტყვის. უსკოს შესაბამისი სამსახური „ემსახურე საქართველოს“ მიერ წარდგენილ ხელმოწერებს 29 აგვისტომდე გადაამოწმებს. ხარვეზების არარსებობის შემთხვევაში პარტია რეგისტრირებულად 10 დღეში ჩაითვლება.
უმაღლეს საარჩევნო კომისიაში 19 აგვისტოს მონაცემებით 25 საარჩევნო სუბიექტია რეგისტრირებული.