17 ივლისს, ბათუმის ჩოგბურთის კლუბში, შავი ზღვის რიგით მე-10 ჯაზ ფესტივალის ფარგლებში, ამერიკელი მომღერლის, კომპოზიტორის, რეპერისა და პროდიუსერის – მის ლორენ ჰილის კონცერტი ჩატარდა.
მუსიკოსი შავი ზღვის ჯაზ-ფესტივალზე 17 კაციანი ბენდით წარსდგა და კონცერტი სიმღერით – Conformed To Love-ით გახსნა.
ლორენ ჰილი 90-იანებში გახდა ცნობილი, რამდენიმე გრემის მფლობელი ჯგუფის Fugees-ის ვოკალისტის სახელით. მისი მუსიკა რეპს, R&B-ს, სოულს და ნაწილობრივ რეგისაც აერთიანებს. აღსანიშნავია, რომ მიმდინარე ფესტივალის, ყველაზე მეტი მაყურებელი, სწორედ მესამე დღეს დაესწრო.
ფესტივალის დარჩენილი დღეების განრიგი ასეთია:
21 ივლისი – THE PRODIGY
22 ივლისი – JAMIE CULLUM
23 ივლისი – Chris Brown
24 ივლისი – MACY GRAY
