2024 წლის 14 თებერვალს, ვალენტინობის სპეციალურ ღონისძიებაზე, ბათუმის მულტიფუნქციური ვენიუ G17 მსოფლიოს ერთ-ერთ ყველაზე მოთხოვნად პოპჯგუფს — ABBA 99-ს მასპინძლობს. G17-ის წარმომადგენლების განცხადებით, „მბრწყინავი ვალენტინობის“ ფარგლებში, ვენიუს მთლიანი სივრცე ABBA-ს დისკო-კონცეფციის შესაბამისად მოეწყობა; კონცერტის დაწყებამდე და დასრულების შემდეგ კი, სტუმრებს დისკო-მუსიკის ფონს შეუქმნიან მოწვეული — DJ Naqebi და რეზიდენტი DJ Cheeky.
ABBA მსოფლიო პოპ-კულტურის ისტორიაში ერთ-ერთი იშვიათი პოპ ჯგუფია, რომელსაც ნახევარი საუკუნის განმავლობაში, აქტუალურობა არ დაუკარგავს: დღემდე, წარმოუდგენელია საზეიმო თავშეყრა უკვდავი ჰიტების — Dancing Queen-ის, Gimme! Gimme! Gimme!..-ს (A Man After Midnight), Mamma Mia-ს გარეშე!
ABBA-მ პირველი წარმატება 1974 წლის ევროვიზიაზე მოიპოვა და სულ მალე, შვედური წარმოშობის კვარტეტმა, ბოჰემური 70-იანების მთელი მსოფლიოს მსმენელთა გულები დაიპყრო. 2016 წელს, ჯგუფმა ციფრული მსოფლიო ტურნე დაიწყო; 1992 წლიდან კი მის მუსიკალურ მემკვიდრეობას ABBA 99 აგრძელებს!
G17 — ბათუმის ახალ ბულვარში, ზღვაში შეჭრილ ხიდზე კონსტრუირებული მულტიფუნქციური ვენიუ, ვიზიტორებს კავკასიის რეგიონში უპრეცედენტო ინფრასტრუქტურულ დაგეგმარებას, ხმის და განათების სისტემებს და პერსონალიზებულ კონსიერჟულ მომსახურებას სთავაზობს. GTEM-ჯგუფის შემადგენლობაში, G17-თან ერთად, საკონცერტო სცენა Stage 17-ია, რომელიც წარმატებით გაიხსნა 2023 წლის საზაფხულო სეზონზე და „ისთერნ ფრომოუშენსა“ და „ოფენ ეართან“ პარტნიორობით, ვიზიტორებს პოპ-მუსიკის, ჯაზის, კლასიკური თუ ელექტრონული მუსიკის არაერთი დაუვიწყარი წარმოდგენა შესთავაზა.
GTEM-ჯგუფის მიზანია, კავკასიის რეგიონში ცოცხალი მუსიკის შეგრძნების ახალი სტანდარტები დანერგოს, ისეთ საერთაშორისო მარკებთან თანამშრომლობით, როგორიცაა Clair Brothers, DiGiCo, SHURE-ის Axient Digital, Sennheiser; ხმის ინჟინერიის და განათების საერთაშორისო გუნდი კი გამოცდილია ისეთი მასშტაბის ვარსკვლავების შოუებზე, როგორიცაა: თინა ტერნერი, ელტონ ჯონი, სტინგი, ჯენიფერ ლოპესი, შაკირა, Pink Martini, ანტონი რემოსი, ეროს რამაზოტი და ა.შ.
