მთავარი,სიახლეები

უკანონო თევზჭერაზე სანქციები გამკაცრდა – ცვლილება კანონში

06.12.2023 • 769
უკანონო თევზჭერაზე სანქციები გამკაცრდა – ცვლილება კანონში

2023 წლის პირველი დეკემბრიდან საქართველოში გამკაცრდა სანქციები უკანონო თევზჭერაზე.

ელექტროდენით, ელექტროშოკის აპარატით, თვითნაკეთი ელექტრონული ხელსაწყოთი, ფეთქებადი ან მომწამლავი ნივთიერებით, თევზის ან წყლის სხვა ცოცხალი ორგანიზმის მასობრივი განადგურების სხვა საშუალებით უკანონო თევზჭერა პირველივე ჯერზე სისხლის სამართლის დანაშაულად დაკვალიფიცირდება.

აღნიშნული სამართალდარღვევა ისჯება საზოგადოებისთვის სასარგებლო შრომით 320-დან 400 საათამდე ან/და თავისუფლების აღკვეთით ვადით 2-დან 4 წლამდე.

გარემოსდაცვითი ზედამხედველობის დეპარტამენტის ცნობით, აქამდე აღნიშნული უკანონო საშუალებებით თევზჭერა სისხლის სამართლის პასუხისმგებლობას ითვალისწინებდა მხოლოდ ქვირითობის პერიოდში – პირველი მაისიდან 31 აგვისტოს ჩათვლით ან იმ შემთხვევაში, თუ პირს დიდი ოდენობით თევზი ჰქონდა მოპოვებული.

გადაბეჭდვის წესი


ასევე: