რუსეთის მასობრივი სარაკეტო შეტევა უკრაინაზე – არის მსხვერპლი

დღეს, 15 აგვისტოს, დილით, რუსეთმა მასიური სარაკეტო შეტევა განახორციელა უკრაინაზე.

რუსული რაკეტები მოხვდა სამრეწველო საწარმოს ლუცკში, სადაც 3 ადამიანი დაიღუპა თავდასხმის შედეგად და 3 დაშავდა, ასევე, რაკეტები მოხვდა საცხოვრებელ კორპუსებს ქალაქ ლვოვში და საწარმოს – დნეპერში.

ლვოვში რაკეტების ფრაგმენტები საცხოვრებელ კორპუსებს დაეცა, რამაც ხანძარი და ნგრევა გამოიწვია. განხორციელდა ხალხის ევაკუაცია. დაღუპულების შესახებ ინფორმაცია ჯერ არ ვრცელდება.

აფეთქებები ასევე ისმოდა ხმელნიცკის რაიონსა და ჩერკასის ოლქის ქალაქ სმილაში.

უკრაინის რეგიონული სამხედრო ადმინისტრაციების მონაცემების თანახმად, 15 აგვისტოს, დილის 4 საათზე, რუსეთმა უკრაინის მასშტაბით ჯამში 28 საჰაერო და საზღვაო რაკეტა გაისროლა. უკრაინის საჰაერო ძალებმა 28 რაკეტიდან 16 გაანადგურეს.

მსხვერპლისა და დაშავებულების შესახებ ინფორმაცია ზუსტდება.

____________________

ფოტოზე: აფეთქება ლვოვში, 15 აგვისტო.