უკრაინის შეიარაღებული ძალების საჰაერო ძალების სარდლობის ცნობით, 2 ივლისის ღამეს რუსეთის საოკუპაციო ძალები თავს დაესხნენ უკრაინას რვა ირანული „შაჰიდითა“ და „კალიბრის“ ტიპის 3 ფრთოსანი რაკეტით.
„შაჰიდების“ გაშვება მოხდა სამხრეთ-აღმოსავლეთის მიმართულებით, ხოლო „კალიბრის“ – შავი ზღვიდან.
უკრაინის საჰაერო თავდაცვამ ყველა სამიზნე ჩამოაგდო.
უკრაინის შეიარაღებული ძალების გენერალური შტაბის ინფორმაციით, უკრაინაში რუსეთის სრულმასშტაბიანი შემოჭრის დაწყებიდან დღემდე, უკრაინის თავდაცვის ძალებმა გაანადგურეს 3557 რუსული დრონი და 1261 ფრთოსანი რაკეტა.