დღეს, 22 მაისს, ბათუმის პორტში, ზღვაში მყოფ კატარღაზე ხანძარი გაჩნდა.
როგორც თვითმხილველებმა უთხრეს „ბათუმელებს“, კატარღაზე მყოფი ადამიანები ხანძრის გაჩენის შემდეგ ზღვაში გადახტნენ. კატარღაზე 2 ტურისტი, ინდოეთის მოქალაქეები და მესაჭე იყვნენ.
ისინი უსაფრთხოდ გამოვიდნენ ნაპირზე.
ამ დროისთვის ადგილზე იმყოფება სამაშველო ჯგუფი და სამაშველო კატარღა, რომელიც ხანძარს აქრობს.
