გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 21 აპრილის 21 საათიდან 22 აპრილის 21 საათამდე აჭარაში მოსალოდნელია ცვალებადი მოღრუბლულობა, უმეტესად უნალექოდ;
იქროლებს ცვალებადი მიმართულების ქარი 10-15 მეტრი წამში;
ჰაერის ტემპერატურა სანაპირო ზოლში:
- დღისით: 15 – 20 გრადუსი სითბო
- ღამით: 7 – 12 გრადუსი სითბო
შიდამთიან რაიონებში:
- დღისით: 10 – 15 გრადუსი სითბო
- ღამით: 3 – 8 გრადუსი სითბო
ზღვის წყლის ტემპერატურა +13 გრადუსია; ზღვის ღელვა 2-3 ბალი.
გარემოს ეროვნული სააგენტოს ინფორმაციით, დღეს, 21 აპრილს, საქართველოს უმეტეს ტერიტორიაზე „მოსალოდნელმა ძლიერმა წვიმამ საქართველოს მდინარეებზე შესაძლებელია წყლის დონეების მნიშვნელოვანი მატება, ხოლო ქვეყნის მთიან ზონებში მეწყრული პროცესების ჩასახვა – გააქტიურება, მაღალმთიან ზონებში თოვლის ზვავის ფორმირება გამოიწვიოს.“
აჭარის რეგიონული ჰიდრომეტეოროლოგიური ობსერვატორიის ინფორმაციით, აჭარაში 23 აპრილს შენარჩუნებული იქნება უმეტესად უნალექო ამინდი 24 და 25 აპრილს კი, მოსალოდნელია წვიმა.