თურქეთში, ანტალიის პროვინციაში, 11 დეკემბერს, ღამით, ძლიერ წვიმას წყალდიდობა მოჰყვა. თურქული მედიის ცნობით, განსაკუთრებით დაზიანდა ქალაქები: ქუმლუჯა და ფინიკე, სადაც ქუჩები და შენობები დაიტბორა.
ქუმლუჯაში ადგილობრივმა ხელისუფლებამ დინამიკები გამოიყენა და ადგილობრივი მოსახლეობა გააფრთხილა, დარჩენილიყვნენ სახლში ან უსაფრთხო, მაღალ ადგილზე.
ქუჩაში მოვარდნილმა წყალმა რამდენიმე მანქანა წაიღო, ხოლო ბულდოზერები დატბორილ ქუჩებში მოძრაობდნენ მანქანებში ჩარჩენილი ადამიანების გადასარჩენად. წყალდიდობის გამო ჩაინგრა ხიდი და დაზიანდა ამ ორ ქალაქს შორის დამაკავშირებელი გზაც.
წყალდიდობის გამო ორივე ქალაქში სკოლები დაიხურა.
მსხვერპლის შესახებ ინფორმაცია არ ვრცელდება.
