რუსული НТВ-ეს წამყვანმა, ლილია გილდეევამ, ტელევიზია თავისი განცხადების საფუძველზე დატოვა.
Varlamov News-ს მან უთხრა, რომ ჯერ უცხოეთში წავიდა და შემდეგ დაწერა განცხადება. „მეშინოდა, რომ ისე არ გამიშვებდნენ,“ – ამბობს ის.
რუსული მედიის ცნობით, გილდეევას ორჯერ აქვს მიღებული რუსეთის პრეზიდენტის მადლობის წერილი „მედიის განვითარებისთვის“.
გილდეევა 16 წლის განმავლობაში მუშაობდა НТВ-ში.
ჯერჯერობით არ ვრცელდება ინფორმაცია ან გილდეევას კომენტარი იმის შესახებ, უკავშირდება თუ არა მისი წასვლა რუსეთ-უკრაინის ომს.