თურქეთში, იზმირის პროვინციაში, 5.1 მაგნიტუდის სიმძლავრის მიწისძვრა მოხდა. სპეციალისტების თქმით, მიწისძვრის ეპიცენტრი ეგეოსის ზღვაში იყო.
მიწისძვრა დღეს, 30 ნოემბერს, დილის 7 საათზე დაფიქსირდა, 9 წუთში კი ისევ განმეორდა, ამჯერად ბიძგების სიმძლავრე 4.3 მაგნიტუდა იყო.
მსხვერპლის ან ნგრევის შესახებ ინფორმაცია არ ვრცელდება.
გუშინ, 29 ნოემბერს, თურქეთში, ქალაქ სტამბოლსა და ბურსაში ქარიშხალი იყო, რასაც მსხვერპლი მოჰყვა.
___________
ფოტო: „დეილი საბაჰი“