გერმანიის მთავრობამ საქართველოს კოვიდის სამკურნალო მედიკამენტები აჩუქა.
Casirvimab-ისა და Imdevimab-ის 3024 დოზა მედიკამენტი გამოიყენება კოვიდით დაავადებული მძიმე პაციენტების სამკურნალოდ.
„მაღალი ხარისხის ეს მედიკამენტები განკუთვნილია კოვიდით დაავადებული მძიმე პაციენტების სამკურნალოდ.
დიდი იმედი მაქვს, რომ ამ წამლების მეშვეობით შესაძლებელი იქნება ადამიანების სიცოცხლის გადარჩენა. მაგრამ კოვიდთან ბრძოლაში უფრო მნიშვნელოვანია, რომ საქართველოში უფრო მეტმა ადამიანმა გაიკეთოს ვირუსის საწინააღმდეგო აცრა,“- თქვა წამლების გადაცემისას გერმანიის ელჩმა.
ბოლო 24 საათის განმავლობაში საქართველოში კორონავირუსის 2 141 ახალი შემთხვევა დაფიქსირდა, გარდაიცვალა 44 პაციენტი.
