Batumelebi | ბათუმი – თბილისის მატარებელი ერთი საათით გაჩერდა ბათუმი – თბილისის მატარებელი ერთი საათით გაჩერდა – Batumelebi
RU | GE  

ბათუმი – თბილისის მატარებელი ერთი საათით გაჩერდა

დღეს, 22 ოქტომბერს, ბათუმიდან თბილისის მიმართულებით გასული მატარებელი მოულოდნელად ჩოლოქის დასახლებაში გაჩერდა.  მგზავრების თქმით, ისინი დაახლოებით ერთი საათი ელოდნენ გზის გაგრძელებას.

„გამცილებლის თქმით, მატარებელი დაეხაჯა მოჭრილი ხის ტოტებს, რომელიც ერთ-ერთ ნაკვეთზე ცუდად გაჩერებულ სატვირთოზე იყო დაწყობილი. ტოტებმა მატარებელი დააზინა… ადგილზე მოვიდნენ პოლიციელები და ოქმი შეადგინეს,“ – უთხრა „ბათუმელებს“ ერთ-ერთმა მგზავრმა.

მატარებელი ბათუმიდან თბილისის მიმართულებით 17 საათსა და 45 წუთზე გავიდა.

რის გამო გაჩერდა მატარებელი და რა დაზიანდა? – „ბათუმელები“ დაუკავშირდა „საქართველოს რკინიგზას“, პრესცენტრის ინფორმაციით, მატარებელს სერიოზული დაზიანება არ აქვს, ნაკაწრები აქვს და შესაბამისი სამართლებრივი პროცედურა ჩატარდა.

 

ნეტგაზეთის მასალების სხვა გამოცემებში გადაბეჭდვის წესი
ავტორი