მაშველებმა ნანგრევებში ნახეს ქალი და მის გამოყვანაზე მუშაობენ

ბათუმში, 26 მაისის ქუჩაზე ჩამონგრეულ სახლის სადარბაზოს ნანგრევებში მაშველებმა ნახე ქალი, რომელიც ცოცხალია, იგი კონტაქტურია.

მაშველებმა ნანგრევებისგან გაათავისუფლეს ტერიტორია, სადაც ქალია, თუმცა მისი ამოყვანა ჯერ ვერ ხერხდება. მაშველები აგრძელებენ მუშაობას.

__________________________________

ბათუმში, 26 მაისის ქუჩაზე, 6-სართულიანი სახლის სადარბაზო დღეს, 8 ოქტომბერს, მოულოდნელად ჩამოინგრა. ჩამონგრევას წინ არ უძღოდა აფეთქების ხმა.

განიხილება სახლის ჩამონგრევის რამდენიმე ვერსია. ერთი ვერსიით, ჩამოშლილი სადარბაზოს ერთ-ერთ ბინაში ტარდებოდა სარემონტო სამუშაოები, რა დროსაც მზიდი კედელი გამოაცალეს კორპუსს.