საქართველომ წითელი ჯვრის ეროვნული საზოგადოებისგან „სინოფარმის“ ვაქცინის 100 000 დოზა საჩუქრად მიიღო. ვაქცინა უკვე საქართველოშია.
,,სინოფარმით“ ვაქცინაცია 18 წელს ზემოთ მოქალაქეებისთვის არის ხელმისაწვდომი. ვაქცინაციისთვის საჭირო 2 დოზა, 21 დღის ინტერვალით კეთდება.
ჩინური წარმოების „სინოფარმი“ ტრადიციული მეთოდით დამზადებული ვაქცინაა, რომელიც დამზადებულია SARS-CoV-2-ის 19nCoV-CDC-Tan-HB02 შტამისგან.
ვაქცინა არ შეიცავს ანტიბიოტიკებსა და კონსერვანტებს.
დღეისათვის საქართველოში 4 ვაქცინითაა შესაძლებელი აცრა – „სინოფარმით“, „სინოვაკით“, „ასტრაზენეკათი“ და „ფაიზერით“.