მთავარი,სიახლეები

4 სასულიერო პირს დაუდასტურდა კორონავირუსი – ბათუმისა და ლაზეთის ეპარქია

26.03.2021 • 1661
4 სასულიერო პირს დაუდასტურდა კორონავირუსი – ბათუმისა და ლაზეთის ეპარქია

ბათუმში 4 სასულიერო პირს დაუდასტურდა covid -19, მათ შორის, ბათუმის წმინდა ნიკოლოზის ტაძრის წინამძღვარს. ინფიცირებული სასულიერო პირები თვითიზოლაციაში არიან.

ბათუმის და ლაზეთის ეპარქიის პრესსპიკერის, იოანე გორელიშვილის თქმით, კორონავირუსი წინამძღვართან ერთად დაუდასტურდა ამავე ტაძრის კიდევ ორ სასულიერო პირს. რამდენიმე დღის წინ კი covid – 19 დაუდგინდა ფერიის მთაზე მშენებარე მონასტერში მცხოვრებ ბერს.

„თითოეული მათგანის ჯანმრთელობის მდგომარეობა დამაკმაყოფილებელია. ისინი თვითიზოლაციაში არიან.

სადეზინფექციო სამუშაოები უკვე დასრულდა წმინდა ნიკოლოზის ტაძარში და ხვალ ლოცვის დროს გაიხსნება,“- გვითხრა დეკანოზმა იოანე გორელიშვილმა.

მისივე თქმით, სასულიერო პირებს სამშაბათობით უტარებენ ტესტირებას კორონავირუსზე.

გადაბეჭდვის წესი