„ბათუმელების“ ჟურნალისტმა მანანა ქველიაშვილმა ნიდერლანდების საელჩოს პრიზი მიიღო

საქართველოში ნიდერლანდების სამეფოს საელჩომ კონკურსში „ადამიანის უფლებათა ტიტა 2020“-ის გამარჯვებულები გამოავლინა.

პირველ ადგილზე გავიდა ჟურნალისტი კამილა მამედოვა, მარნეულის სათემო რადიოს დამფუძნებელი, მეორე ადგილზე კი გავიდნენ გაზეთ „ბათუმელების“ ჟურნალისტი მანანა ქველიაშვილი და ლგბტ და ქალთა უფლებების დამცველი ცაბუნია ვართაგავა სამეგრელოდან.

მანანა ქველიაშვილი 2012 წლიდან მუშაობს გაზეთ „ბათუმელებში“, არის ჟურნალისტი, ფოტოგრაფი და მულტიმედია რეპორტიორი.

კონკურსში ნომინანტები საქართველოში მოქმედმა არასამთავრობო ორგანიზაციებმა წარადგინეს.

ნიდერლანდების საელჩო საქართველოში უკვე მესამედ მართავს ამ კონკურსს.