სიახლეები

საქსტატი შეუწყნარებლობის მოტივით ჩადენილი დანაშაულის ანგარიშებს მოამზადებს

24.09.2020 • 665
საქსტატი შეუწყნარებლობის მოტივით ჩადენილი დანაშაულის ანგარიშებს მოამზადებს
საქართველოს გენერალური პროკურატურა, უზენაესი სასამართლო და შს სამინისტრო, ევროპის საბჭოს მხარდაჭერით, დისკრიმინაციის ნიშნით შეუწყნარებლობის მოტივით ჩადენილი დანაშაულის სტატისტიკის წარმოებაზე კოორდინირებულად მუშაობას იწყებს, შემდეგ კი ეს მონაცემები სტატისტიკის ეროვნულ სამსახურს გადაეცემა, რის საფუძველზეც საქსტატი მოამზადებს ერთიან ანგარიშს და უზრუნველყოფს მონაცემთა გავრცელებას ყოველწლიური პერიოდულობით. შეთანხმების მიზანია შეიქმნას შეუწყნარებლობის მოტივით ჩადენილი დანაშაულის სტატისტიკის უფრო ზუსტი და საჯარო სისტემა.
თანამშრომლობის მემორანდუმის ხელმოწერის შემდეგ, უწყებები საპილოტე რეჟიმში გამოაქვეყნებენ 2020 წლის 1-ლი ოქტომბრიდან 31 დეკემბრის ჩათვლით პერიოდის სტატისტიკურ ანგარიშს და ყველა დაინტერესებულ პირს საშუალება ექნება გაეცნოს დისკრიმინაციის ნიშნით შეუწყნარებლობის მოტივით ჩადენილი დანაშაულის ერთიან, სეგრეგირებულ მონაცემებს.
მემორანდუმით გათვალისწინებულია უწყებების ანგარიშვალდებულება ერთმანეთის მიმართ ინფორმაციის გაზიარების თაობაზე.

გადაბეჭდვის წესი


ასევე: