11 სექტემბრის მონაცემებით, ბოლო 24 საათში აჭარაში კორონავირუსის 39 ახალი შემთხვევა დადასტურდა.
პირველი სექტემბრიდან მოყოლებული აჭარაში კორონავირუსით ინფიცირების მაჩვენებელი იზრდება. 11 დღეში აჭარაში კორონავირუსის 208 შემთხვევა დადასტურდა.
დღეის მონაცემებით ბათუმში სტაციონარში მკურნალობს 146 პაციენტი, საკარანტინო სივრცეში კი მეთვალყურეობის ქვეშაა 26 კოვიდდადებითი პაციენტი.
დღეს საქართველოში, ბოლო 24 საათის მონაცემებით, კორონავირუსის 87 ახალი შემთხვევა დადასტურდა. ეს 24 საათში გამოვლენილი შემთხვევების რეკორდული მაჩვენებელია საქართველოში.
