უწყებათაშორისი საკოორდინაციო საბჭოს გადაწყვეტილებით, მსუბუქი ავტომობილებით გადაადგილების აკრძალვა არ გაუქმებულა.
პრემიერის პრესსპიკერის, ირაკლი ჩიქოვანის განცხადებით, გადაადგილების შეზღუდვის მოხსნა ეტაპობრივად, ორშაბათიდან, 27 აპრილიდან დაიწყება.
ამასთან, 22 მაისამდე გახანგრძლივდა საგანგებო მდგომარეობა.
ავტომობილებით გადაადგილება საქართველოს მთავრობამ 16 აპრილს აკრძალა. 17 აპრილის 12 საათიდან 21 აპრილის ჩათვლით მსუბუქი ავტომობილებით გადაადგილება მხოლოდ სპეციალური საშვით არის დასაშვები.