გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, დღეს, 15 აპრილს, 16.00 საათიდან 20.00 საათამდე აჭარაში მოსალოდნელია ქარის შკვალური გაძლიერება 17-22მ/წმ-მდე.
დღეს, 15 აპრილს, საღამოს 9 საათიდან ბათუმში მოსალოდნელია მოღრუბლულობა, ღამით – უმეტესად უნალექოდ.
ხვალ, 16 აპრილს კი, დღისით დროგამოშვებით იწვიმებს.
ჰაერის ტემპერატურა სანაპირო რაიონებში იქნება:
- დღისით 13-18 გრადუსი
- ღამით 5-10 გრადუსი
მთაში:
- ღამით 3-8 გრადუსი
- დღისით 10-15 გრადუსი
სინოპტიკოსების ცნობით, მომდევნო 2 დღეს მოსალოდნელია უმეტესად უნალექო ამინდი.