აჭარის მაუწყებლის დირექტორი: მე ვარ გარანტია იმისა, რომ კანონი იკანონებს ამ ორგანიზაციაში

გიორგი კოხრეიძე, საზოგადოებრივი მაუწყებლის აჭარის ტელევიზიისა და რადიოს დირექტორი: 

„წამოვიდა მრჩეველთა საბჭოდან გარკვეული ინფორმაცია იმასთან დაკავშირებით, რომ თითქოსდა არის შემჩნეული გარკვეული დარღვევები. მე დღეს ვაწარმოებ მოკვლევას, მე დღეს არაფერი არ შემიძლია განვაცხადო, მაგრამ ერთადერთი მე შემიძლია განვაცხდო, რომ კანონი იკანონებს ორგანიზაციაში. არავინ არ დაისჯება უკანონოდ, და არავის ერთი ღერი თმა არ ჩამოუვარდება უკანონოდ.

… ამ ორგანიზაციაში არის მართვის სერიოზული პრობლემა. …საშტატო განრიგის შეცვლა აბსოლუტურად არ ეხება არც შორენა ღლონტს და არც მერკვილაძეს. …მე ვარ გარანტია იმისა, რომ კანონი იკანონებს ამ ორგანიზაციაში“.

__________

წყარო: აჭარის ტელევიზია 

დღეს, 14 თებერვალს, ცნობილი გახდა, რომ აუქმებენ აჭარის ტელევიზიის ახალი ამბების სამსახურის უფროსის მოადგილის შტატს, დისციპლინური წარმოება დაიწყო მაუწყებლის საინფორმაციო სამსახურის უფროსის წინააღმდეგ და ტელევიზია, სავარაუდოდ, აღარ შეიძენს საგამოძიებო ჟურნალისტიკის მედიაპროდუქტს ტენდერით, როგორც ბიუჯეტშია მითითებული. „ბათუმელებს“ სურდა გიორგი კოხრეიძისგან მიეღო კომენტარი ამ თემებზე, თუმცა მან ჩვენთან საუბარზე უარი განაცხადა.