დღეს, 4 თებერვალს, მეწყერი ჩამოწვა ქედაში, ბათუმი-ახალციხის მაგისტრალზე, მახუნცეთის მონაკვეთზე, რის გამოც 15 წუთის განმავლობაში საავტომობილო მოძრაობა იყო შეფერხებული. ამ დროისთვის მოძრაობა ცალმხრივად უკვე აღდგენილია.
დღეს ქედაში კიდევ ერთი მეწყერი ჩამოწვა სოფელ აბუქეთაში, საავტომობილო გზაზე. ქედის მერიის ინფორმაციით, მეწყერი საგზაო დეპარტამენტმა გაწმინდა და ამ დროისთვის მოძრაობა აღდგენილია.
ქედაში დღეს დილიდან თოვლ-ჭყაპია, ამჟამად კი ინტენსიურად თოვს.