საქართველოს საგარეო საქმეთა სამინისტრო ერაყში მცხოვრები საქართველოს მოქალაქეების შესახებ განცხადებას ავრცელებს. სამინისტროს ინფორმაციით საქართველოს საელჩო იორდანიის ჰაშიმიტურ სამეფოში ერაყში მცხოვრებ საქართველოს მოქალაქეებთან კავშირზეა.
სამინისტროს ცნობით, საქართველოს მოქალაქეების დიდი ნაწილი კონცენტრირებულია ქურთისტანის რეგიონში: „მოქალაქეთა ინფორმაციით ვითარება აღნიშნულ პროვინციაში მშვიდია და მათ საფრთხე არ ემუქრებათ“, – წერია სამინისტროს მიერ „ნეტგაზეთისთვის“ მიწოდებულ ინფორმაციაში.
საელჩო ასევე ავრცელებს 24-საათიანი ცხელი ხაზის ნომერს – +962 797 299 799
რეგიონში ბოლო სამი დღეა სიტუაციაა დაძაბული. ამის მიზეზი აშშ-ის მიერ ირანელი გენერალის, ყასემ სოლეიმანის მკვლელობაა. იერიშის ბრძანება პირადად პრეზიდენტმა დონალდ ტრამპმა გასცა.
აშშ-ის სამხედრო შეტევის შედეგად, რომლის შესრულების ბრძანებაც პრეზიდენტმა ტრამპმა გასცა, მოკლულია ირანელი გენერალი ყასემ სოლეიმანი, ისლამური რევოლუციის დამცველთა რაზმის ელიტური, ქუდსის დანაყოფის მეთაური. მასთან ერთად ბაღდადის საერთაშორისო აეროპორტში შეტევის დროს სხვა სამხედრო მოხელეებიც მოკლეს. ამას პენტაგონში ადასტურებენ, ხოლო მომხდარის შესახებ ინფორმაცია „Fox News“-მა გაავრცელა.
ერაყში აშშ-ის ავიაიერიშის შედეგად ირანელი გენერალის, ყასემ სოლეიმანის მოკვლის შემდეგ, თეირანსა და ვაშინგტონს შორის ისედაც დაძაბული ურთიერთობები უფრო გაუარესდა. აშშ-ირანს შორის ურთიერთობების დაძაბვა პირველად არ მომხდარა. Reuters-ზე დაყრდნობით, ნახეთ აშშ-ირანის ურთიერთობების ქრონოლოგია 1953 წლიდან:
სხვადასხვა ორგანიზაციებისა თუ ქვეყნების გამოხმაურება მომხდართან დაკავშირებით:
4 იანვარს, რამდენიმე რაკეტა დაეცა ერაყის დედაქალაქ ბაღდადში – მჭიდროდ დასახლებულ უბანთან და სალაჰუდინის პროვინციაში ბალადის ავიაბაზასთან, სადაც ამერიკელი ჯარისკაცები არიან. ინფორმაცია ერაყელ სამხედროებზე დაყრდნობით „Reuters“-მა გაავრცელა.
აშშ-ის პრეზიდენტი დონალდ ტრამპი კი ირანსა და აშშ-ს შორის ურთიერთობის დაძაბვის ფონზე განცხადებას აქვეყნებს და თეირანს აფრთხილებს, რომ ირანის მიერ ამერიკულ ობიექტზე შესაძლო თავდასხმის შემთხვევაში, ირანზე შეტევა ძალიან ძლიერი და სწრაფი იქნება.
ამ თემაზე:
https://netgazeti.ge/news/418458/
