„დღეს ჩვენც ლუკა ვართ“ – მოსწავლეების პროტესტი და სოლიდარობა ბათუმში

დღეს, 20 დეკემბერს, საღამოს 18:30 საათზე, ბათუმის სხვადასხვა სკოლის მოსწავლეებმა საპროტესტო მსვლელობა მოაწყვეს.

„არა სუიციდს!“, „ერთად ლუკასთვის“, „დროა ქუჩაში გამოსვლის“ – ამ და სხვა სლოგანების ფონზე მოსწავლეებმა გააპროტესტეს ძალადობრივი სისტემა, რამაც 15 წლის მოზარდის სიცოცხლე იმსხვერპლა.

მოზარდები ბათუმში 15 წლის მოზარდზე ძალადობას აპროტესტებენ
ფოტო: ლელა დუმბაძე/ბათუმელები

„გიღირდათ კედელი სიცოცხლის ფასად?“ – ეწერათ მოზარდებს პლაკატზე. ისინი ამბობენ, რომ აუცილებელია მათი ხმა ისმოდეს ძალადობის წინააღმდეგ, რადგან მომავალში სხვა ბავშვის და მოზარდის სიცოცხლე გადარჩეს.

მოზარდები ბათუმში 15 წლის მოზარდზე ძალადობას აპროტესტებენ
ფოტო: ლელა დუმბაძე/ბათუმელები

მოზარდები ამბობენ, რომ საპროტესტო მსვლელობა ფეისბუქის მეშვეობით დაგეგმეს და გამოვიდნენ, რათა თავიანთი პროტესტი დააფიქსირონ სისტემის მხრიდან 15 წლის ლუკა სირაძეზე ძალადობის გამო.

მოზარდების პროტესტი ბათუმში.
ფოტო: ლელა დუმბაძე/ბათუმელები

„ერთად ლუკასთვის“, „აბა დამიჭირე!“- მოზარდები ამ სლოგანებით ახსენებენ საზოგადოებას, რომ მოზარდების სიცოცხლე ამ ქვეყანაში არ არის დაცული სახელმწიფოს მხრიდან. „დღეს გვემუქრებიან  ბავშვებს, მოზარდებს იმით, რომ რაღაცას დაგვიშავებენ, ჩვენს ოჯახის წევრებს ზიანს მიაყენებენ, ჩვენ გამოვდივართ ამ ყველაფრის წინააღმდეგ“ – ამბობენ მოზარდები.

მოსწავლეების საპროტესტო აქცია ბათუმში
ფოტო: ლელა დუმბაძე/ბათუმელები

მოზარდების პროტესტი სისტემის წინააღმდეგ
ფოტო: ლელა დუმბაძე/ბათუმელები

მოზარდების პროტესტი სისტემის წინააღმდეგ
ფოტო: ლელა დუმბაძე/ბათუმელები