მთავარი,სიახლეები

საოჯახო მედიცინის ცენტრის ნაცვლად 8-სართულიანი კომპლექსი – პროექტი ბარათაშვილზე

20.11.2019 • 3947
საოჯახო მედიცინის ცენტრის ნაცვლად 8-სართულიანი კომპლექსი – პროექტი ბარათაშვილზე

ბათუმში, ბარათაშვილისა და გორგასლის ქუჩების გადაკვეთაზე, პირველი საჯარო სკოლის უკანა მხარეს არსებული შენობები, ასევე ბარათაშვილის ქუჩაზე არსებული ორსართულიანი ისტორიული სახლი, სადაც ახლა საოჯახო მედიცინის ცენტრია, შესაძლოა ახალ სამშენებლო პროექტს შეეწიროს.

ინვესტორი მთლიანობაში 1 972 კვადრატული მეტრი ტერიტორიის ათვისებას გეგმავს გორგასლის #45-დან ბარათაშვილის #30-ის ჩათვლით.

წითლად მონიშნულია ტერიტორია, რომლის ათვისებასაც ინვესტორი გეგმავს

ამ ადგილზე ახალი სახლის მშენებლობის უფლებას შპს „სახლი ბარათაშვილზე“ ითხოვს. ტერიტორია, სადაც ინვესტორი არსებულის ნგრევის ხარჯზე ახლის მშენებლობის უფლებას ითხოვს,  კულტურული მემკვიდრეობის დაცვის ზონაშია, ამიტომაც საკითხის შესასწავლად კომპანიამ აჭარის კულტურული მემკვიდრეობის სააგენტოს ზონალურ საბჭოს მიმართა.

პროექტის ეს რენდერი აჩვენებს, რა მასშტაბის მშენებლობას გეგმავს კომპანია

წინასწარი ინფორმაციით, კომპანია რვასართულიანი სახლის მშენებლობას გეგმავს. ჯერჯერობით არ ვიცით, რა გადაწყვეტილება მიიღეს ზონალური საბჭოს წევრებმა ამ პროექტთან დაკავშირებით.

დაგეგმილი პროექტის რენდერი, რაც ზონალური საბჭოს სხდომაზე იყო წარმოდგენილი

გადაბეჭდვის წესი


ასევე: