Batumelebi | ფერიის სასაფლაოზე, მესხის ქუჩიდან ეკლესიამდე, წყალმომარაგება და განათება მოეწყობა ფერიის სასაფლაოზე, მესხის ქუჩიდან ეკლესიამდე, წყალმომარაგება და განათება მოეწყობა – Batumelebi
RU | GE  

ფერიის სასაფლაოზე, მესხის ქუჩიდან ეკლესიამდე, წყალმომარაგება და განათება მოეწყობა

ფერიის ცენტრალურ სასაფლაოზე, ს. მესხის ქუჩიდან ეკლესიამდე არსებულ გზაზე წყალმომარაგებისა და განათების მოწყობის სამუშაოებისთვის ბათუმის ბიუჯეტიდან 61 657 ლარია გამოყოფილი. შესაბამისი მომსახურების შესყიდვაზე ტენდერი მერიის ააიპ „ბათუმის სასაფლაოებმა“ გამოაცხადა.

ტენდერში წინადადებების მიღება 2019 წლის 24 აგვისტოს დაიწყება და 27 აგვისტოს დასრულდება. სასაფლაოზე [მესხის ქუჩიდან ეკლესიამდე] წყლის მილების და გარეგანათების მოწყობა კი, ტენდერში გამარჯვებულთან ხელშეკრულების გაფორმებიდან 60 დღეში უნდა დასრულდეს.

ბათუმის ფერიის სასაფლაო, ადგილების არარსებობის გამო დახურულია.

მონაკვეთი ფერიის სასაფლაოზე, სადაც გარეგანათება და წყალმომარაგების სისტემა მოეწყობა

მთავარი ფოტო: ფერიის სასაფლაო / ფოტო „ბათუმელების“ არქივიდან
ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com