ძლიერი ქარისა და წვიმის შედეგად ჩაქვში მცხოვრები ერთ-ერთი ოჯახი ღია ცის ქვეშ დარჩა. გამგებლის ინფორმაციით, უამინდობის დროს, ხის სახლი მთლიანად დაინგრა. სახლში მყოფებმა მიიღეს დაჟეჟილობები, ისინი საავადმყოფოში გადაიყვანეს, თუმცა ამ დროისთვის შინ არიან გაწერილები და თავს მეზობლებსა და ნათესავებს აფარებენ.
ქობულეთის გამგებელმა ჯერჯერობით არ იცის, დაეხმარება თუ არა სახელმწიფო დაზარალებულ ოჯახს, რადგან სახლი, რომელიც ჩამოინგრა, თვითნებურად აშენებული იყო და სამართლებრივად მასზე საკუთრების უფლება დაზარალებულებს არ გააჩნდათ.
ქობულეთის მუნიციპალიტეტში ამ საკითხის შესწავლას გეგმავენ.