მარათონის გამო ბათუმის ქუჩებში ავტომანქანების მოძრაობა პარალიზებულია, მიუხედავად იმისა, რომ მოძრაობას საპატრულო პოლიცია არეგულირებს. ქუჩებში ისმის მანქანების საყვირების გაბმული ხმაური.
დღეს, 20 აპრილს, ბათუმში მარათონის გამო, არაერთ ქუჩაზე მოძრაობა რომ ჩაიკეტებოდა, ამის შესახებ შსს-ს გუშინ განაცხადა.
შსს ინფორმაციით, მარათონის მიმდინარეობის დროს მძღოლები, საპატრულო პოლიციის ეკიპაჟების მითითებით, ალტერნატიული მარშრუტებით იმოძრავებენ. ავტოტრანსპორტის მოძრაობა სრულად აღდგება მარათონის დასრულების შემდეგ.
