არასამთავრობო ორგანიზაცია „საერთაშორისო გამჭვირვალობა საქართველოს“ ბათუმის ფილიალის ინფორმაციით, ამ დროისთვის ორგანიზაციის დამკვირვებლებს არცერთ უბანზე საჩივარი არ დაუწერიათ.
„გვქონდა შენიშვნები. მაგალითად, ბათუმის 25-ე საარჩევნო უბანზე მარკირების შესამოწმებელი არ მუშაობდა და ამასთან დაკავშირებით დავწერეთ შენიშვნა, ამავე უბანზე იყო ჩხუბი პოლიტიკური სუბიექტის წარმომადგენლებს შორის და ამაზეც ჩავუწერეთ შენიშვნა.
ბათუმის რამდენიმე უბანზე იყო პრობლემა, რომ ორ-ორი წარმომადგენლები ჰყავდათ ზოგიერთებს საარჩევნო უბანზე, ასევე აგიტაციის შემთხვევებიც იყო. ასევე, ენმ-ს კომისიის წევრებმა ბათუმის სამ უბანზე უარი თქვეს წილისყრაში მონაწილეობაზე. ქობულეთში, #32 უბანზე კი საარჩევნო ბიულეტენების პრობლემა იყო“ – გვეუბნება ორგანიზაციის რეგიონული ოფისების მენეჯერი, მალხაზ ჭკადუა.